Bir yoshdan keyin: vitamin va mineral defitsitlari
Bir yoshdan keyin ham bola jadal o‘sish va rivojlanishni davom ettiradi. Shu davrda:
• immunitet;
• asab tizimi;
• suyak-umurtqa tizimi
uchun vitamin va minerallar yetarli bo‘lishi juda muhim.
Eng ko‘p uchraydigan defitsitlar
• Temir defitsiti — gemoglobin sintezi va to‘qimalarni kislorod bilan ta’minlash uchun zarur. Tanqislik anemiya va boshqa og‘ir muammolarga olib keladi.
• V vitaminlar guruhi (B9, B12) — asab tizimi, qon hosil bo‘lishi va modda almashinuvi jarayonlari uchun kerak.
• Vitamin C defitsiti — immunitet va kollagen sintezi (teri va shilliq qavatlar salomatligi) uchun muhim.
• Vitamin D3 defitsiti — suyak va tishlar rivoji hamda immun tizimi faoliyatida ishtirok etadi.
• Yod defitsiti — qalqonsimon bez gormonlari sintezi uchun zarur bo‘lib, ular modda almashinuvi va o‘sishni boshqaradi.
“Profilaktika uchun” deb, shifokor tavsiyasisiz qo‘shimcha vitamin va minerallar berish tavsiya etilmaydi. Albatta, pediatr ko‘rigidan o‘tib, zarurat bo‘lsa, tahlillar asosida buyurilishi kerak.
Qachon tahlillar topshirish kerak?
• Sog‘lom bola uchun 1 yoshda to‘liq chek-ap o‘tkazish tavsiya etiladi.
• Natijalarga qarab, shifokor vitamin va mineral defitsitlarini aniqlash uchun qo‘shimcha tahlillar tayinlashi mumkin.
Defitsitlarning ayrim belgilari
• Oson sinuvchan tirnoqlar — temir defitsiti;
• Ichkariga cho‘kkan, qoshiqchasimon tirnoqlar — temir tanqisligi anemiyasi;
• Tirnoqlardagi oq nuqtalar va dog‘lar — ehtimol, sink defitsiti.
Doimiy holat:
• Kaftlarning doimiy terlab turishi (1 yoshgacha) — ko‘pincha vegetativ-qon tomir tizimi xususiyati bo‘lib, 10 yoshgacha norma varianti bo‘lishi mumkin.
Agar bu holat o‘smirlik davrigacha davom etsa — shifokorga murojaat qilish kerak.
Manba: https://www.healthychildren.org/English/healthy-living/nutrition/Pages/Where-We-Stand-Vitamins.aspx
Muallif: Aynur Satpayeva
Instagram: doctor_satpaeva
