Bolalarda dakriotsistit (ko‘z yoshi yo‘llari to‘silishi)
Ota-onalar ko‘pincha: “ko‘zcha qotib qolgan”, “qaymoqlab qoladi” deb ta’riflaydi. Asosiy sabab — ko‘z yoshining burun bo‘shlig‘iga oqib tushmasligi, ko‘z yoshining to‘planib qolishi va atrofida infeksiya qo‘shilishi.
Nima uchun shunday bo‘ladi?
Oddiy sharoitda:
• tug‘ilish vaqtiga kelib ko‘z yoshi yo‘llarini yopib turgan parda yo‘qoladi yoki
• birinchi nafas olganda yoriladi.
Agar bu parda ochilmasa — tug‘ma dakriotsistit rivojlanadi. Qo‘shimcha sabablar:
• ko‘z yoshi xaltachasi sohasidagi katta qatlamlar;
• kam hollarda — yuz sohasidagi jarohatlar, burun (nazal) operatsiyalari, o‘simtalar.
Asosiy belgilari:
• ko‘zda doimiy yosh turishi;
• ko‘p yosh oqishi;
• ko‘zdan iflos, sariq yoki qurumsimon ajralmalar;
• bir yoki ikki tomonlama bo‘lishi mumkin.
Ko‘zga dorilar tomizilganda vaqtincha yaxshilanishi, bekor qilinganda esa belgilar yana paydo bo‘lishi mumkin.
Asosiy asorat — ko‘z yoshi xaltachasi flegmonasi:
• ko‘z yoshi xaltachasi proeksiyasida og‘riqli, qattiq qizarish;
• bola bezovta bo‘ladi, tekkizilganda kuchli og‘riq sezadi;
• ko‘z atrofida shish, qizarish, tana haroratining ko‘tarilishi.
Davolash
Muhim: davolash taktikasi faqat ko‘z shifokori tomonidan belgilanadi. Chunki davolanmagan dakriotsistit:
• shox parda (rogovitsa) shikastlanishiga;
• chuqur yiringli yaralarga;
• qaytmas o‘zgarishlarga olib kelishi mumkin.
Shifokor tavsiyasiga ko‘ra:
• antibiotik tomchilar;
• maxsus massaj texnikasi buyuriladi.
Agar samara bo‘lmasa:
• odatda 3 oydan keyin ko‘z yoshi yo‘lini zondlash o‘tkaziladi:
o mahalliy anesteziya ostida;
o juda ingichka zond yordamida kanal ochiladi;
o antiseptik eritma bilan yuviladi;
o keyin antibiotik tomchilar buyuriladi.
1 yoshdan keyin zondlash odatda narkoz ostida amalga oshiriladi, shuning uchun muammoni erta hal qilish juda muhim.
Muallif: Elena Xegay
Instagram: dr_khegay
