TTG skriningi: barcha bolalar uchun shartmi?
Barcha bolalarni tekshirish shartmi?
Javob aniq — YO‘Q.
Tug‘ruqxonada barcha chaqaloqlarda panjadan (tovondan) olingan qon namunasi orqali TTG (tireotrop gormon) ni aniqlovchi test o‘tkaziladi. Agar tug‘ruqxonadan yoki siz biriktirilgan poliklinikadan sizga qo‘ng‘iroq qilishmagan bo‘lsa — demak, hammasi joyida, xavotirlanishga hojat yo‘q.
Kimlarga qo‘shimcha tekshiruv o‘tkaziladi?
- Onasida gipotiroidizm yoki qalqonsimon bezning har qanday kasalligi bo‘lgan bolalarga.
Quyidagi simptomlar kuzatiladigan bolalarga:
- o‘sishdan orqada qolish
- shishlar (pastozlik)
- tovushning xiralashishi
- lohaslik
- qabziyat
- asosiy motor ko‘nikmalarining kechikishi (boshini ushlash, ag‘darilish, o‘tirish, turish, yurish)
- xotiraning yomonlashuvi
Qanday tahlillarni topshirish ma’qul?
- TTG
- Erkin T4
- Anti-TPO
- Kalsitonin
- Qonda glyukoza (nahorga — 8–10 soat ovqatlanmasdan, faqat suv ichish mumkin)
- Qalqonsimon bez UZI
Qonda glyukoza tahlilini nahorga topshirish masalasiga kelsak: albatta, bu juda qiyin, ayniqsa ko‘krak suti bilan oziqlanadigan yoki kichik yoshdagi bolalarda.
Yechim: ovqatdan 2 soat o‘tgach tahlil topshirish mumkin — bu holda u nahorga emas, balki “ovqatdan keyingi shakar” deb baholanadi va u ham yetarlicha ma’lumot beradi. Bu haqda albatta shifokorga aytish kerak, chunki ovqatdan keyingi shakar me’yorlari boshqacha bo‘ladi.
Manba: https://www.ncbi.nlm.nih.gov/books/NBK500006
Muallif: Kamila Marselyevna
Instagram: pediatr.kamila
